2 كوب دقيق
كوب سكر
كوب عصير برتقال او لبن
نصف كوب زيت درة
5 بيضات
معلقة بشر برتقال
نقطتين خل عشان ريحة البيض
معلقة كبيرة بكنج بودر
وفانيليا
نيجى
للطريقة!!!نضع كل المقادير السايلة مع بعض وتضربيهم لغاية الخليط مايتقل لونة يفتح
ونكون ناخلين الدقيق مع البيكنج بودر ونضيفة شوية بشوية والتقليب من فوق لتحت
عشان الهوا مايخرجش من الكيكة
ونكون مسخنين الفرن واحنا بنشتغل
نقسم الخليط نصفين ونضع على نصف الخليط معلقتين
كاكاو بودرة ونقلبهم كويس
ونحضر صينية مقاس 26 وندهنها زيت
ونضع معلقة من الخليط الأبيض فى وسط الصنية
وفوقيها معلقة من الخليط بالكاكاو وهكذا لغاية ماينتهى المقدار
هتلاقى المقدار بيفرش لوحدة لغاية مايوصل لأخر الصينية وبيعمل دواير
وبعد ماخلصت جبت خلة اسنان وبدأت اسحب الخطوط علشان تعمل شكل وردة
وتدخليها الفرن على درجة حرارة 200 وبعدين بعد 10 دقايق تهدى الحرارة ل 180
وبتاخد فى الفرن من 30 ل 40 دقيقة
واسيبكم مع الصور يا قمرات!!!
وضعنا كل المقادير السايلة وبدأنا نضربهم
نضرب لغاية مايفتح لونة ويتقل
دة شكلها بعد ماخلصت المقدار
وهنا بعد ما سحبنا الخطوط بخلة الأسنان
وهنا بعد ماستوت
شايفين اد اية هشة وجميلة
وهنا لما اتقطعت شكلها راااااااااائع